開業33年的海皇粥店，5月初無預警下宣布全線結業，接著是景樂集團、大班麵包西餅、鴻星酒樓等結業潮。老闆拉閘執笠過後，成為失業大軍的前員工，追討欠薪、想重投勞動市場，面對什麼困難？
昔日在餐廳擔大旗、前後在海皇工作了18年的粉嶺分店高級經理林小姐說，2023年起外勞大量湧入，自己任職的海皇分店，14人中有四個外勞，樓面、廚房都見外勞身影。
「外勞表現好多錯漏，但都要頂硬上。人工仲貴過本地人，但肯聽話、唔會走，香港人唔啱就轉工，係自由市場，而外勞冇得揀。」她坦言，行業變天，本地員工被邊緣化，政府政策令基層市民「冇工開」，「如果可以揀，我都唔會再入餐飲
業°」
「後生仔都唔易入行，阿婆更加冇機會」
林小姐失業至今兩個月，見了四份工作，過程並不順利。她不是人工被壓價、就是工作大增，「一樣嘅人工，做多咁多，又要坐好遠車」她托托眼鏡繼續道：「舖頭請咁多外勞，連掃垃圾都係外勞，後生仔都唔易入行，阿婆更加冇機會。」她批評政府、舖頭聲稱請唔到人，實情是，很多僱主只是「做樣」，貼招聘廣告給政府看，實際壓低人工，寧請外勞。「我做經理知得清楚，上頭叫你掛紙唔好請人，夠人就推走（本地勞工）。」
截至今三月底，「補充勞工優化計劃」下已獲批輸入逾 5.4萬
名外勞，當中飲食業最多，近2.6萬人，侍應一職就有8971人、初級廚師有6172人、
3879 名售貨員、2712名清潔
工、2519 名保安員及2403名貨倉管理員。
買六合彩成生活「寄托」
林小姐跟記者見面的這天，雨後的陽光高照，問她天氣這麼好，有沒有什麼計劃？她苦笑搖搖頭：「可能陣間行過去馬會買20蚊六合彩，買個希望啦！」天氣濕熱、30多度高溫，由沙田市中心走到沙田圍馬會投注站，來回約半小時。每星期，她也來回走至少兩轉，在結業、失業狂潮下，一張六合彩，似乎是她生活、心靈的「寄托」。
我所理解的是，因為外勞沒得選，所以會加工作量給他們，如果有不公平的事，那怕是外勞也要保護自己的勞動權益，不能被欺負
#集誌社 #海皇粥店 ＃失業 #欠薪#外勞
